Апостолот Онисим бил роб во домот на богатиот Филимон, во Колоси (Мала Азија), во времето на апостол Павле. Филимон, заедно со другите луѓе во неговиот дом, бил христијанин и имал татковска љубов кон сите. Онисим бил идолопоклоник и посакал да оди во Рим, и да живее живот по свое. Па така, Онисим го ограбува својот господар, купува билет и заминува кон Рим. Стигнува, не наоѓа работа никаде и се враќа, бесцелно… на улиците. Го обзема голема грижа и се приближува кон Римската христијанска заедница.
Од христијаните добива голема помош. Почнува да се кае за делата што ги сторил и истовремено дознава дека во Рим се наоѓа осуденикот апостол Павле, когошто го запознал во домот на Филимон и го воодушевил од своето присуство и покрај тоа што бил идолопоклоник. Почувствувал голема желба да го посети и почувствувал силна внатрешна промена. Онисим отишол кај апостолот Павле, којшто го примил љубовно и татковски. Тогаш Павле го напишал познатото Послание до Филимон, во кое го моли да му прости на Онисим којшто веќе се покајал, се крстил и станал христијанин.
Онисим станува апостол на светата вера, бил ракоположен за епископ и примил маченичка смрт во Потиоли, Мала Азија. Неговиот свет спомен се празнува на 15/28 февруари. Тој се смета за закрилник на затворениците.
(Во Грчката православна црква уште во 1982 година основано е здружение „Онисим“, кое им пружа духовна и материјална помош, како и духовна поткрепа на сите затвореници)
Тропар, глас 3: Апостоле свети Онисиме, моли Го милостивиот Бог, да им даде прошка на гревовите на нашите души.
Превод од грчки јазик: Свештеник Јани Мулев
Ортодоксија и ортопраксија 
Напишете коментар